Frábærir tónleikar.

Ég fór ásamt vinkonu minni á kertaljósatónleika Harðar Torfa.  Hörður er náttúrulega bara snillingur. Þetta var stórfengleg skemmtun.  Hann var með tvo hjálparkokka með sér.  Annar spilaði á harmonikku og hinn spilaði á gítar og fiðlu.  Útkoman var stórskemmtileg og ég held að ég lifi á þessu um ókomin tíma.

Þema kvöldsins var ástin, en Hörður hefur samið yfir 100 söngva um ástina.  

Við vinkonurnar skemmtum okkur frábærlega.  Ég vil benda fólki á diskinn hans Harðar sem hann gaf út í fyrra JARÐSAGA . Hann er hrein og tær snilld.   Unnendur góðrar íslenskrar tónlistar ættu ekki  að láta þennan disk framhjá sér fara.

Takk fyrir mig Hörður. 

 

Jibbý -14 dagar reyklaus!!!!

Þetta er allt annað líf.  Ég vakna hressari og það er komið líf í hárið á mér, það var nefnilega hálf dautt og tengi ég það reykingunum.

Ég byrjaði í leikfimi 28 feb. Því ég á von á að fitna alveg helling.  Ég er núna búin að mæta í tvo tíma og þvílíkar harðsperrur.   Ég átti nú alveg von á því.  Manneskja sem hefur ekki hreyft á sér skrokkinn í mörg ár. 

En,sem sagt er að komast í drullu góð mál með sjálfa mig. Klappa mér góðlátlega á axlirnar fyrir dugnaðinn.

 

Ætla svo að vakna reyklaus á morgun.( Núna hljóma ég eins og AA- kona)

Laus við viðbjóðinn!

Ég vaknaði í morgun og mér leið svo vel.  Ég er búin að vera reyklaus í 6 daga.  Ég naut þess í gær að borða í hádeginu og líka í dag. Maturinn smakkast öðruvísi.  Betra bragð af honum. 

Ég er búin að fá mér framhaldsskammt af Champix. Mun sjálfsagt klára þessa 2 mánuði til að vera alveg viss að ég falli ekki.  Ég ætti þá að vera komin yfir það versta. 

Ég hef ekki fundið fyrir brjóstsviðanum sem ég er búin að hafa í langan tíma.  Var brjóstsviðinn þá af völdum sígaréttunnar?   Ég hafði ekki hugmynd um það. 

 

Ætla að vakna í fyrramálið reyklaus.

 

Æðisleg tilfinning!!

Núna snýst mitt líf um það að halda mér vakandi gagnvart sígaréttupúkanum.  Enn og aftur vil ég dásama þessar frábæru pillur Champix .  Þetta er alveg magnað hvernig sígaréttulönguninn hefur horfið. 

Systir mín er búin að vera 17 daga á þessu lyfi og er hún komin í 4 sígaréttur á dag. Ég held að hún hafi aldrei hætt að reykja í þessi rúm 20 ár fyrr en núna sem hún er að gera eitthvað í þessum málum.

 

Ég hlakka til að vakna í fyrramálið reyklaus og engin sígaréttulykt af hárinu á mér.

Hætt!

Núna er 9 dagur á Champix.  Ég ákvað að hætta í dag.  Ég fann að ég var að reykja að vana svo ég sagði við sjálfa mig í gær að nú væri rétti tíminn.  Merkilegt hvað reykingar eru mikill vani.

Þannig að ég hef ekkert reykt í morgun og klukkan er 9:57 þegar ég skrifa þessa færslu.  Ég var búin að skipuleggja morguninn hjá mér. Fékk mér te í staðin fyrir kaffi og dundað mér svo bara þar til ég mætti í vinnuna. Fann í bílnum að gott væri að hafa sígó í höndunum en fór svo bara að hugsa um eitthvað annað og þá var þetta ekkert mál.

Það er frábært hvernig þetta lyf virkar.  Ég hef hreint og beint enga löngun lengur. Ég mæli eindregið með þessu lyfi fyrir þá sem hafa áhuga að hætta að reykja.

Mér skilst að það sé ódýrast í Lyfjaveri. Hálfur mánuður kostar 4.400 kr ca. Það getur samt verið ódýrara annarstaðar.

8 dagur!

Nú er ég á 8 degi á Champix.  Klukkan er núna 11:08 og ég er búin að reykja 3 sígaréttur þennan morgun.  Reykti þá þriðju um 11:00 og ég kúgaðist á eftir.  Þannig að þetta er farið að virka. Kúgast við að finna lyktina af höndunum á mér eftir smókinn. 

Ég er ákveðin í að kaupa mér áframhaldandi skammt.  Get keypt hálfan mánuð í viðbót.  Ég finn að núna er þetta mest vaninn sem ég þarf að losna út úr. 

Í síðustu viku var ég að undirbúa mig, fór t.d ekki með stelpunum út að reykja, er farin að drekka meira te.  Ég held að fyrsta sígaréttan sé erfiðust.  Að fá sér kaffibolla, sígó og lesa blöðin, það er bara toppurinn.  Er að velta því fyrir mér hvernig ég get losað mig út úr þvi dæmi.

Ef einhver er með tillögu, þá endilega komið með hana.

 

 

Þeir sem ætla að hætta að reykja!

Jæja gott fólk.  Nú er 3. dagurinn á Champix.  Ég finn ekki fyrir neinu en maðurinn minn fær aukaverki af þessu lyfi.  Hann fær ógleðistilfinningu.  Þetta getur gerst samkvæmt því sem stendur á leiðbeiningunum.  Ég er reyndar farin að finna óbragð í munninum en ekki mikið.  

Byrja á morgun á degi 4. þá tek ég inn eina töflu fyrir hádegi og aðra um kvöldið.  Ég hef svo mikla trú á þessum töflum og hlakka til þegar ég missi alla löngun. (allavega vonast ég til að þetta virki á mig eins og á aðra).

Ég skráði mig líka í http://www.reyklaus.is  og er ég þar með mína síðu.  Geri allt til að hætta þessum viðbjóð.  En mikið rosalega nýt ég þess að fá mér sígaréttu þessa daganna.

Svona er fíknin mikil.

 

 

Nú ætla ég að hætta!

Ég var að kaupa mér fyrsta skammtinn af Champix.  Ég er ákveðin í að hætta að reykja.  Ég er komin með ógeð á þessu eitri.  Ég er búin að heyra bara gott frá þessu lyfi.  Bróðir minn hætti um áramótin.  Hann sagði mér að hann hafi misst alla löngun eftir vikur meðferð.  Nú svo hef ég lesið mér til og frábært að heyra um fólk sem hefur hætt eftir 50 pakkaár. 

Ég er farin að hafa verulegar áhyggjur að heilsu minni.  Ég mæðist voðalega fljótt.  Svo eru hjartsjúkómar faraldur í móðurætt minni.  Ég er farin að skammast mín fyrir lyktina sem fylgir mér, þessi ógeðslega reykingalykt. 

Ég vona að einhver þarna úti hafi einhverja góða reynslusögu  varðandi þetta lyf. 

Ég mun svo birta á þessari síðu hvernig þetta mun ganga hjá mér. 

 

Ofbeldi á konum!

 "Hann lemur mig bara þegar hann er fullur, og ég reitti hann til reið.
Ég er peningalega háð honum, ég get ekki staðið ein ef ég fer frá honum.

Þessar setningar voru sagðar við mig eitt sinn af konu sem hafði búið
við ofbeldi í 20 ár.

Maður verður orðlaus.  Ég veit að þetta er bullandi meðvirkni.
Þeir sem búa við andlegt og líkamlegt ofbeldi kóva þvílíkt með maka
sínum. 

Ég veit að konur sem búa við ofbeldi í ýmsum myndum missa trúnna á
sjálfri sér.  Það er búið að innprenta í þær að þær geti ekkert sjálfar,
séu ljótar og engin vill þær. 
Kona sem ég þekki bjó við ofbeldi í 36 ár þar til hún tók af skarið og skildi við karlinn.
Ég spurði þessa konu  um þetta og sagði hún mér að hún hafi
alltaf vonað að hann myndi lagast þegar hann kom á fjórum fótum,
grét og sagðist aldrei gera þetta aftur, svo var hún
alltaf að hugsa um  börnin, að þau gætu ekki misst föður sinn.

Það er hroðalegt fyrir
barn að lifa við svona heimilisástand.

" Barnið mitt hefur aldrei séð manninn minn berja mig þannig að þetta
hefur ekki áhrif á það.  ???RANGT, RANGT.  Börn eru svo ótrúlega
næm. Það er hægt að þreifa á andrúmsloftinu
þegar eitthvað er að.

Ég var að lesa DV. 1.feb.2008.  Þar er viðtal við Guðbjörgu Mörtu
sem hefur í 7 ár þurft að þola ofsóknir fyrrverandi mannsins sinns sem hafði beytt hana
ofbeldi.  Lögreglan gerir ekkert.   Ég spyr, eftir hverju eru þeir að bíða, að hann
limlesti hana þannig að hún verði farlama það sem eftir er, eða drepi hana.  Annað eins hefur nú gerst.  Ég verð reið.  Það er ekki nóg með að þessar konur þurfi að þola
harðræði frá fyrrum maka, heldur þurfa þær að standa í stappi
við að leita réttar sinns. Lögreglan getur ekkert gert nema það séu sannanir
eins og í tilfelli Guðbjargar að eitt atvikið náðist á öryggismyndavélar í Smáralind.

Núna í dag er kvennaathvarfið sá staður sem konur geta flúið til. Og var það
svo sannarlega þörf þegar það opnaði og er enn í dag.

 http://www.kvennaathvarf.is/  http://www.al-anon.is

Þeir sem eiga sig sjálfir!

Það er nú þannig að ég er mikill aðdáandi Harðar Torfa. Nýjasti diskurinn hans Jarðsaga er hreint út sagt frábær diskur.  Ég er skráð á póstlistann hjá honum og var ég að fá tölvupóst þar sem hann talar um að þar sem hann er sjálfstæður listamaður sé hann útundan hjá ráðandi aðilum á markaðnum og lítið fjallað um starf hans á þeim vettfangi þar sem hann er ekki í þeirra eigu. 

Það er sorglegt þegar svona mikill listamaður er útundan og er ólýðandi. En hvað er til ráða?

Bylgjan sem dæmi hef ég aldrei heyrt spila Hörð.  Svo eru hlustendur mataðir af tónlist sem er jafnvel lítið varið í.   Allt sem er spilað á Bylgjunni fer fyrst í gegnum einhverja nefnd sem ákveður síðan hvað sé spilað. 

 Það er líka erfitt að koma sér á framfæri þegar maður er nýr í þessum brasa. Maður vill ekki vera frekur né ýtin.  Ég gaf út minn fyrsta geisladisk í okt. 2007 og ber hann heitir  KONA Á MÍNU ALDRI. Vandaður og góður diskur. Þar syng ég lög eftir Hörð Torfa, Halla Reynis, Orra Harðar, Bjarna Tryggva og Ingimund Óskarsson.  Ég fékk neitun frá Bylgjunni þar sem mér var tilkynnt að lögin hentuðu ekki stefnu þeirra.  Segið mér annan betri, ha.  Hægt er að hlusta á brot af lögunum á þessari síðu  http://www.irisedda.com/  Segið mér svo  hvað ykkur finnst.

Það hlýtur að vera ömurlegt fyrir dagskrástjóra þátta að ráða ekki hvað þeir spila.

Annars hefur Útvarp Saga staðið sig langbest.  Þar ráða dagskrástjórar hvað þeir spila. Enda fer hlustendum þessarar útvarpsstöðvar fjölgandi.

Ég hvet alla að senda Herði tölvupóst http://www.hordurtorfa.com/